Sytë tuaj konfirmojnë qartë se keni koronavirus?

Në fund të muajit mars, informacioni rreth syve të skuqur si një simptomë e re e koronavirusit u shpërnda në mediat në internet dhe në rrjetet sociale. Mediat raportuan se sytë konfirmuan qartë se njëri ishte i infektuar me koronavirus dhe se, përveç simptomave tashmë të njohura të etheve dhe kollës së vazhdueshme, individët që ishin të infektuar me koronavirus gjithashtu mund të kishin sy të skuqur, sikur të kishin një reaksion alergjik.

Ky informacion u publikua, ndër të tjera, nga portalet "Alo", Novi.ba, "Antena M", "Srbija danas" (Serbia sot), "Beograd in", "Korisni savjeti" (Këshilla të dobishme), "Kurir", "Espreso", etj.

Infermierja tregoi se sytë e pacientëve ishin të skuqur, si sy alergjikë.

Duke përdorur burime të besueshme, kontrolluam uebfaqen e Organizatës Botërore të Shëndetësisë dhe zbuluam se sytë e skuqur nuk përmendeshin askund si simptomë.

Gjithashtu, ne pyetëm Institutin e Shëndetit Publik të Malit të Zi nëse ai informacion ishte i saktë.

Ata na referuan në një studim të kryer mbi numrin më të madh të pacientëve me COVID-19 të anketuar, i cili zbuloi se simptomat më të zakonshme të infeksionit ishin këto:

“Kjo është në të njëjtën kohë një përgjigje në lidhje me konjuktivitin (conjunctivitis) - 0.8 për qind e pacientëve u ankuan për inflamacion të mukozës. 0.8 për qind e gati 56,000 pacientëve të mbuluar nga studimi. Prandaj, është jashtëzakonisht e rrallë”, thuhet në përgjigjen e ISHP MZ.

Prandaj, sytë e skuqur nuk janë simptomë e re e koronavirusit dhe vetëm sytë nuk mund të konfirmojnë qartë se dikush ka koronavirus, dhe për këtë arsye mund të konkludohet se ky informacion është i pasaktë.

Lajmet e pasakta ose të paverifikuara mund të gjenden në çdo klikim. Për këtë arsye, edukimi medial është i një rëndësie të madhe si një nga mekanizmat e parë mbrojtës ndaj lajmeve të rreme.

#RriNëShtëpi dhe informohu përmes burimeve të dëshmuara të informacionit!

Në përpjekje për të kontribuar në parandalimin e përhapjes së dezinformatave për koronavirusin dhe për t'i promovuar burimet e besueshme të informacionit, reporterët e rinj të UNICEF-it kanë vendosur të verifikojnë saktësinë e informacionit të publikuar në rrjete sociale dhe në media, informacion i cili ka tërhequr vëmendjen e publikut. Gjatë verifikimit të saktësisë së informacionit, ata kanë ndjekur shembullin e Platformës për Shpalosje para Publikut dhe e kanë përdorur pjesërisht metodologjinë e saj e cila është në dispozicion të publikut.