Për Bojanin, Bebbo është një mësues i besueshëm
Falë mbështetjes nga Republika e Koresë, UNICEF-i dhe Instituti i Shëndetit Publik, prindërit po përmirësojnë vazhdimisht njohuritë dhe praktikat e tyre për shëndetin dhe zhvillimin e fëmijës
- Gjendet në:
- Crnogorski
- English
- Shqip
PODGORICË, 22 janar 2023 – “Unë i emërtoj objektet që fëmija tregon me dorën e saj dhe i përshkruaj aktivitetet e përditshme duke përdorur fjalë të thjeshta,” Bojan Tomçiq, një baba i ri, shpjegon ndërsa vajza e tij tetëmbëdhjetë muajshe Vasilija vrapon pa u lodhur nëpër park. Bojani nuk do kishte përqafuar një praktikë të tillë pa aplikacionin Bebbo, i cili i solli atij shumë njohuri të reja dhe hapi horizontet e botës së shëndetit dhe zhvillimit të hershëm të fëmijëve.
Aplikacioni u tregua i dobishëm për mua në javët e para si prind sepse isha i pasigurt për shumë gjëra bazike - sa duhet të flejë foshnja, mënyra më e mirë për ta mbajtur atë, sa shpesh duhet të ushqehet ajo, kur duhet të vaksinohet, si ta pastroj dhe çfarë të përdori për ta pastruar.
„Pasi u mësova me të, kuptova se aplikacioni është shumë i dobishëm në planin afatgjatë, sepse pasi të vendoset data e lindjes së fëmijës, ai fillon të gjurmojë moshën dhe ofron përmbajtje të rëndësishme për atë fazë të zhvillimit. Kjo e lehtëson konsiderueshëm përdorimin dhe kursen kohën për prindërit,” shpjegon Bojani
Ai shton se roli i babait ka ndryshuar krahasuar me dekadat e mëparshme. Baballarët gjithnjë e më shumë po e kuptojnë se sa e rëndësishme është të lehtësojnë fillimin më të mirë në jetën e fëmijëve të tyre. Aplikacioni Bebbo iu rekomandua Bojanit nga një baba i tre fëmijëve.
“Mendoj që aplikacioni është edhe më i dobishëm për baballarët, sepse nënat flasin shpesh me njëra-tjetrën dhe ndajnë përvojat e tyre, gjë që mund të mos jetë ashtu për baballarët”, thotë Bojani.
Kur ju kërkua që të përshkruaj aplikacionin Bebbo me vetëm një fjalë, Bojan thotë: i besueshëm.
“Interneti na lejon të kemi qasje në sasi të pafund të informacionit dhe shpesh ballafaqohemi me pikëpamje dhe këshilla kontradiktore për të njëjtën temë (si p.sh. kur duhet të fillojmë të pastrojmë dhëmbët e foshnjës). Kjo vetëm se rrit konfuzionin pasi që njeriu nuk di kujt t'i besojë. Megjithatë, aplikacioni Bebbo mbështetet nga UNICEF dhe Instituti i Shëndetit Publik, andaj e konsideroj si burimin më të besueshëm të informacionit”, thekson ky prind.
Dr Adis Martinoviq nga Instituti i Shëndetit Publik (ISHP) i Malit të ZI përsërit po të njëjtat përparësi të aplikacionit.
Për shkak të dezinformatave të shpeshta në media digjitale, prindërit shpesh kanë dyshime. Për këtë arsye, mjeku i këshillon ata të dëgjojnë autoritetet relevante – pediatrin e tyre, kanalet zyrtare të komunikimit të ISHP-së dhe ato të qendrave të kujdesit parësor shëndetësor dhe – Bebbo.
Të gjithë artikujt në aplikacionin Bebbo janë rishikuar dhe kontrolluar sa i përket saktësisë. Kur gjithçka është në dispozicion në një vend të vetëm, përfshirë videot dhe shembujt konkretë, përmbajtja bëhet shumë e qasshme dhe tërheqëse për prindërit.
Duke qenë vetë prind, ai përdor Bebbo çdo ditë. “Më pëlqen veçanërisht kombinimi i materialeve të animuara dhe atyre dokumentare,” thekson ai .
Aplikacioni i lansuar në Mal të Zi në fillim të vitit 2022, është përmirësuar konsiderueshëm dhe plotësohet vazhdimisht me përmbajtje të reja. “Kalendari i ri i vaksinimit është i një rëndësie të veçantë,” shton Dr Martinovic.
“Ne kemi prokuruar vaksina të kombinuara për fëmijët e lindur në vit 2023, si dhe për gjeneratat e ardhshme, duke zvogëluar numrin e vizitave për vaksinim nga shtatë në katër. Prindërit janë befasuar këndshëm, pasi kjo do të thotë më pak injeksione si dhe më pak pritje dhe caktim të terminëve”, thotë doktori .
Meqenëse Instituti ka më shumë plane për të siguruar fëmijëri të shëndetshme për fëmijët dhe mbështetje për prindërit, aplikacioni Bebbo do të përditësohet rregullisht dhe do plotësohet me informacione të reja që prindërve u nevojiten. Qeveria e Koresë mbështet Institutin e Shëndetit Publik të Malit të Zi dhe UNICEF-in me promovimin e aplikacionit, përditësimet e përmbajtjes dhe mirëmbajtjen.
Bebbo aktualisht përmban pothuajse 13 mijë përdorues. Prindërit veçojnë si përmbajtjen e tyre të preferuar informacionin për fazat e ndryshme të zhvillimit të fëmijës, ushqimin e duhur dhe vaksinimin e fëmijëve .
Aplikacionit është në dispozicion për telefonat mobil iOS dhe Android.
Gjersa baballarët e përkushtuar ua rekomandojnë aplikacionin Bebbo të gjithë prindërve, Vasilija tashmë është familjarizuar me pjesët e lëkundësve, kolovajzës dhe gjetheve në stolë. Babai i saj Bojani, thekson rëndësinë e përgatitjes për rolin kërkues dhe të bukur të prindit. Bebbo po rezulton të jetë një aleat i shkëlqyer në këtë udhëtim.
