Humbja e ndjesisë së nuhatjes si simptomë e koronavirusit?

Me shfaqjen e koronavirusit, shumë lajme dolën në lidhje me simptomat që e shoqërojnë këtë virus. Konkretisht, në mes të marsit të këtij viti, lajmi për humbjen ndjesisë së nuhatjes u publikua si një nga simptomat e këtij virusi. Si shumica e qytetarëve, ne ishim të interesuar për saktësinë e këtij informacioni, kështu që vendosëm ta shqyrtonim atë.

“Telegraf”, “Nedeljnik”, “Kurir”, Vesti.rs, “Srbija danas”, Informer, BBC, “Nezavisne”, “Alo”, “Objektiv”, “Mondo” and “Krstarica” janë vetëm disa nga shumë media në rajon që e publikuan këtë lajm. Duke gjykuar nga koha kur informacioni u publikua, mund të supozohet se "Blic" ishte i pari që publikoi këtë informacion.

Në tekst përmendet virologu gjerman Hendrick Streeck, Drejtor i Institutit për Virologji dhe Hulumtime për HIV/AIDS në Shkollën e Mjekësisë të Universitetit të Bonit, si burimi i këtij informacioni. Në hulumtimin e tij, hulumtim i cili u krye me banorët nga Heinsberg County, North Rhine-Westphalia, ku kishte një numër të madh të njerëzve të infektuar, ai zbuloi se gati një e treta e pacientëve ankoheshin për humbjen e ndjesisë së nuhatjes.

Mediat tjera që publikuan këtë informacion cituan kryesisht shkencëtarët nga King's College në Londër (KCL) si burim. Njoftimi shkruante se ata kishin marrë përgjigje nga më shumë se 400,000 njerëz përmes një pyetësori, nga të cilët 1,702 thanë se ishin testuar për virusin, 579 ishin pozitivë dhe 1,123 ishin negativë. Nga ata që ishin pozitivë, tri të pestat ose 59% e kishin humbur ndjesinë e nuhatjes dhe shijes, por Organizata Botërore e Shëndetësisë ende nuk e kishte përfshirë atë në listën zyrtare të simptomave.

Ne pyetëm Institutin e Shëndetit Publik të Malit të Zi (ISHP MZ) nëse një humbje e papritur e ndjesisë së nuhatjes ishte simptomë e re e infeksionit me koronavirus, siç raportohet në disa media.

"Megjithëse vërehet se shpesh raportohet në media se humbja e ndjesisë së nuhatjes (e njohur mjekësisht si anosmia) është një nga simptomat e infeksionit me koronavirusin e ri, incidenca e saj nuk është raportuar si e konsiderueshme në studimet shkencore të kryera vendet e prekura", thuhej në përgjigjen e tyre.

ISHP MZ tregon se studimi i kryer, i cili përfshiu numrin më të madh të të anketuarve që janë pacientë me COVID-19, tregoi se simptomat më të zakonshme të infeksionit ishin këto:

Prandaj, ne konkludojmë se ky informacion në lidhje me humbjen e ndjesisë së nuhatjes është simptomë e këtij virusi nuk është plotësisht e saktë.

Në përpjekje për të kontribuar në parandalimin e përhapjes së dezinformatave për koronavirusin dhe për t'i promovuar burimet e besueshme të informacionit, reporterët e rinj të UNICEF-it kanë vendosur të verifikojnë saktësinë e informacionit të publikuar në rrjete sociale dhe në media, informacion i cili ka tërhequr vëmendjen e publikut. Gjatë verifikimit të saktësisë së informacionit, ata kanë ndjekur shembullin e Platformës për Shpalosje para Publikut dhe e kanë përdorur pjesërisht metodologjinë e saj e cila është në dispozicion të publikut.