UNICEF va GAVI O’zbekiston Sogʻliqni saqlash vazirligiga 1,5 million aqsh dollari qiymatidagi kompyuterlarni hadya qildi
TOSHKENR, 2022 yil 6-iyun - Bugun UNICEF O‘zbekistonda milliy immunizatsiya tizimini va butun sog‘liqni saqlash tizimini mustahkamlash maqsadida Sog‘liqni saqlash vazirligiga kompyuterlar sovg‘a qildi.
2150 ta kompyuter O‘zbekistonda samarali vaksina va immunizatsiya boshqaruvini tatbiq etish, shuningdek birlamchi tibbiyot muassasalari foydalana olishi mumkin bo’lgan sog’liqni saqlash tizimini boshqarish funktsional axborot tizimini mukammallashtirish imkoniyatlarini kengaytiradi.
GAVI ko'magida yetkazib berilgan 1,5 million dollarlik jihozlar butun mamlakat bo'ylab emlash joylari va boshqa sog'liqni saqlash muassasalariga tarqatiladi. Kompyuterlardan vaksinalar va emlash bo‘yicha samarali axborot tizimlarini yaratishga foydalaniladi. Ular innovatsion axborot tizimining asosini tashkil etadi hamda rejali immunizatsiya maqsadlarida, shuningdek COVID-19 pandemiyasiga qarshi kurash strategiyasi doirasida ishlatiladi.
“Har bir tibbiyot muassasasiga etkazilgan bu oddiy sarmoyalar O‘zbekistonda emlash bo‘yicha keng qamrovli axborot tarmog‘i va elektron axborot tizimini shakllantiradi,” dedi UNICEFning O‘zbekistondagi vakolatxonasi rahbari Munir Mamedzade. "Gavi ko'magida bizda samaradorlikni oshirish, emlashdan bosh tortish holatlarini o’rganish, real vaqt rejimida tendentsiyalarni aniqlash va, nihoyat, sog'liqni saqlash sohasidagi kamchiliklar va imkoniyatlarni aniqlash imkoniyatiga egamiz," deya ta’kidladi u.
Gavi va boshqa donorlarning moliyaviy ko‘magida UNICEF Sog‘liqni saqlash vazirligi bilan hamkorlikda O‘zbekistondagi barcha bolalar Milliy immuniatsiya kalendariga muvofiq emlanishini ta’minlamoqda. Bugun ko’rsatilgan yordam, shuningdek, COVID-19ga qarshi vaksinatsiyani hamda 2022-yil sentabriga rejalashtirilgan qizamiq va qizilchaga qarshi emlash kampaniyasini kengaytirishga ko’mak beradi.
Qo’shimcha ma’lumot uchun murojaat qiling:
Umidjon Xudoyqulov
Immunizatsiya masalalari bo’yicha maslahatchi
UNICEFning O’zbekistondagi vakolatxonasi
Telefon: +998 71 233 95 12
El. pochta: ukhudaykulov@unicef.org
***
Nargiza Egamberdieva
Jamoatchilik bilan aloqalar bo’yicha maslahatchi
UNICEFning O’zbekistondagi vakolatxonasi
Telefon: +99871 233 95 12
El. pochta: negamberdieva@unicef.org
OAV uchun mas'ul xodimlar
UNICEF to’g’risida
UNICEF dunyoning eng qiyin joylarida muhtoj bolalarga yordam berish maqsadila faoliyat ko'rsatadi. 190 ta mamlakat va hududlarda har bir bola uchun, har erda, barcha uchun eng yaxshi dunyoni qurish uchun mehnat qilamiz.
UNICEF va uning O'zbekistondagi faoliyati to'g'risida qo'shimcha ma'lumot olish uchun www.unicef.uz saytiga tashrif buyuring.
UNICEF faoliyatini Twitter, Facebook va Instagramda kuzatib boring.
