Biz nima qilamiz
UNICEF O'zbekistondagi bolalar manfaatini ko'zlab ish olib boradi
Mamlakatda dasturning ustuvor yo'nalishlari
Biz bolani, barcha huquqlari to`liq tadbiq qilinishi lozim bo`lgan, tirik qolish va rivojlanish uchun shaxsiy ehtiyojlarga ega shaxs sifatida ko'ramiz. Biz har bir bola uchun teng imkoniyatni ta'minlash maqsadida eng zaif bolalarga e'tiborimizni qaratamiz. Bu bizga, mamlakat hukumati bilan hamkorlikda bola quvonch, umid va qadr-qimmatga to'la hayot kechirishi uchun turli xil ehtiyojlarini qondirish maqsadida yaxlit yondashuvni ishlab chiqishga yordam beradi.
Bolalar himoyasi
O‘zbekistonda bolalarni himoya qilishga taalluqli bo‘lgan o‘ta muhim masalalarni hal qilish maqsadida UNICEF ko’p qirrali strategiyani olib boradi. Tegishli siyosat va qonunchilikni ishlab chiqishda texnikaviy ko’mak berish, barcha bolalar uchun xavfsiz muhitni yaratish uchun turli mutaxassislarning kasbiy mahoratini oshirish, bola himoyasi bo’yicha aholi xabardorligini oshirish shular jumlasiga kiradi.
Bolalar himoyasiga qaratilgan tashabuslarimiz bilan tanishib chiqing
Bolalar sog'ligi
Ushbu sohadagi tashabbuslar xavfsiz onalik va bolalik bo‘yicha xalqaro standartlar va amaliyot integratsiyalashuvi, tibbiyot xodimlariga saboq berish hamda yuqori samarali va katta xarajatlarni talab qilmaydigan ona va bola salomatligini muhofaza qilish dasturlarini qo‘llab-quvvatlash kabi vazifalarni qamrab olgan. Shu bilan birga, UNICEF mamlakatda turli kasalliklar profilaktikasiga qaratilgan tadbirlarni ham qo‘llab-quvvatlamoqda. Bu sohada UNICEF “Bolalarga do‘stona munosabatdagi shifoxonalar tashabbusi”, axborot-tashviqot dasturlari va jamoatchilikni xabardor qilish orqali immunizatsiya bo‘yicha umummilliy tashabbuslarni ro‘yobga chiqarish, oziqlanish va oziq-ovqatlarni boyitish bilan bog‘liq qonunlarni ishlab chiqish va amalga oshirish, faqat ko‘krak suti bilan emizib boqishni ilgari surishga ko‘maklashdi.
Sog'liqni saqlash sohasidagi tashabbuslarimiz bilan tanishib chiqing
Ta'lim
Oʻzbekistonda boshlangʻich va oʻrta taʼlim bepul va majburiydir. MICSning so'nggi ma'lumotlariga ko'ra, boshlang'ich maktab (1-4-sinflar) va to'liq o'rta maktab (5-9-sinflar)dagi bolalarni qamrab olishning sof ko'rsatkichlari mos ravishda 99% va 97% da yuqoriligicha qolmoqda.
Boshlang'ich maktabga qadam bosishdan bir yil oldin maktabgacha yoshdagi bolalar uchun tashkiliy ta'limda ishtirok etish darajasi 72% ni tashkil etadi, bunda mintaqaviy va gender nomutanosibliklari past.
Ta'lim sohasidagi tashabbuslarimiz bilan tanishib chiqing
Ijtimoiy siyosat
Bolalar farovonligini ta’minlashga qaratilgan bola huquqlari to‘g‘risidagi Konvensiya (BHK) va davlat dasturlari qoidalariga muvofiq UNICEF ijtimoiy siyosat dasturini amalga oshirmoqda va uning doirasida O‘zbekiston hukumati ikkita eng muhim sohalarda qo‘llab-quvvatlanmoqda. Birinchidan, bu bolalar manfaatlarini hisobga oladigan va teng imkoniyatlarni kafolatlaydigan ijtimoiy himoya va davlat tomonidan moliyalantirish tizimlarini yanada rivojlantirishdir. Ikkinchidan esa - bolalar huquqlarini har tomonlama amalga oshirish va monitoring qilishni ta’minlash uchun bolalar huquqlarini himoya qilish milliy tizimini yaratish va mustahkamlashdan iborat.
