¿Jaweboki non akai?
UNICEFra teetai benbo bake, ainbo bake itan bake ranonbo peruanonbo senenbires jatibi jakoni jakanti kopi.
Non reken akabo 2021
No teebo jato akinairiki jaskaxon bakeranonbo, bake ainbobo, bake benbobo jato akinti kopi mesko jawekibo jatixonbi senen akanti jaton ati kaweki tsoabi jakoma atima, wetsa jonibo, jain ikanabo, jakanabo, itan wetsa jawekibo jakoni aniti itanribi koshiati.
¿Jaweranoboki noa teekanai?
Non teeriki, jatibi bake benbobo, ainbobo, itan ranonbo peruain jabo, abakanon senen akin jato jayatabo, senema jaweki akanaibo, jabaon jonibo jakoma imai región manan jonibo itan paromea jonibo, jaskaribi ja ani jema patax ja jonibo ikabo xeki jonibo itan non paro jonibo, jaskaribi ja jonibo ani jema patax jaabo, Jaskara kopi rabe región non katota iki: Okaya Paro itan Loreto; westiora xekibaon Región: Huancavelica; itanribi westiora distrito Rimankonia; Carabayllo.
Jakoma winoti kai onanax benxokati
Ja jakoma jaweki winotainko, bake ainbobo, bake benbobo itan ranonbo, jakoma jaweki winotainko jabo ikanai: seketi, isimeti jaskaribi mesko isinbo pikotai, jakon akin piamakanainkobo, onpax yama, jakon xobo yama ratekanbires jakanabo jaton shinan paxnabo, jaskaribi jaton papabaon jeneabo jaskarainko jakoma winokanai, Noibati akin teemakanai, yanka yonokanai itan paranxon marokanai.
UNICEFkaran akinai bake ainbobo, benbobo itanribi ranonbo, jemabo itanribi jatibi koshibobetan jaskaaxon jakoma jawekibo winotima kopi, koshi shinanbo bikantibo, jainribi non netebo meskomeskotai jaskarabaonribi noa koirameti kopi. Ja jawekibo onanax noa jakon ikanti kopi, mesko jakoma jaweki beaiko bebon, bakebo itan ranonbo jakoni jakanti kopi, jaskara kopira jakon iki neskara jawekibo jatibi jato onamati apon.