Jakon jaweki senen ati xontakobaona itan ranonbaon
Xontakobo itan ranonbora maxkake icha jaweki onanti jakonax jati kopi, onanti jatibian jaton senen ati itan senen axonkanti.
Jain nokoti
Ichamara ikanai ja raomisaibo bake ranonbo jainoax axekanaibo itan jainxon koirantibo, jabo jainoax jakoni axekanti kopi.
- 12,7% bake xontakobo 15 itan 19 baritiayaboronki tookana iki 2016. Wetsankobo non paroori jati icharonki nokota iki 30,6%. 2014 tian, 34,2% bake xontakobo jaki chipokanti yama itanribi jawe kirikaomabo jaya raomisba kati.
- 81,3% bake xontakobo 12 itan 17 baritiayabaon, yoikana iki 2015, wetsatianbo ikana iki jakoma akin akanabo shinanmeran rateresaibo itan nekebi.
- 71,1% bake xontakobaon senen akana iki kirika akin basima ja axekana iki.
- 2016 tian. Wetsankobo neke paroya nii ikainko nato tsekakana nokota iki 43,6%kana.
- 57,3% jakomana iki jaton yokata jawekibo senen axonyamakana ja axetibo jaskaribi akin senen abakanon ixon axeti jawekibo jakon akin jabo iki xepokanabo. Jakonriki koshiati ja mesko jakon jawekibo shinankanabo jaskatax jakoni benxoti kopi ja bake ranonbo jakoma jaweki akabo jakoni senenti kopi jaskaribi ja riso boai bakeranonbo akanaibo senen akanti kopi jaton teebo jishtiti kopi.
- 34% non yoiyaboriki ja bake ranonbo itan xontakobo ikanai yoyo iki vwisha oinax jabo iki 2012 itan 2014, jaboronki iki ja koshi joi sekeaibo. Nato joibaonra oimai jaweki wishakanai itan yoyo ikanai onanaxmabi.
Benxoatibo
Jaska axon jakoma jaweki winotaibo keyoti kopira UNICEF teetai apobetan, itanribi jan akinai jonibobetan jaton shinan akabo itanribi jatibian tee atibo ja bake ranonbaon jain kirika akai, jainoax jakon jaton shinanbo nekebi itan chicho jakonbo, jaskaribi mesko jawekiati pitibo banatibo bakeranonbaona jaska axon icha jaweki axon animati kopi teebo mesko jaweki pitibo banaxon koshiati kopi jabo maroxon ja bake ranonbo kirika jain axekanainko jaskaribi peruain jakon akin akabo ja jishti akanti ja bake ranonbo jain teetioma itan jakoma akanaibo ja ranonbo iti jake jatobetan jaskaxon onanti kopi mesko esebo yorantibo itan jakon akin ainbo ikinxon bakeatibo jaskaribi axekanti jakon ranonbo iti, jakon apo iti jabo koshiati jakanke jaskaribi apobetan tetai jonibaon mesko shinanbo axon apo yokati jake ja bake ranonbo kirika axekanainko, jakon jaton shinanbo nekebi itan chicho jakonbo, jaskaribi mesko jaweki pitibo banatibo bakeranonbaona; koshiakanti jake ja axeamis jonibaon shinanbo aka jaskaribi jain raomekanai xobo ja jakon akin jishti ati kopi jain raometaibo jaskaribi bake ranonbaon jakoan jain pikanti, jakon akin kopshiati ranonbo jainxon mesko jawekibo senen akanti jaskaribi jaskaribi ja koshibo, ichax teetaibo jaska axon jato oinkinti kopi jakon jaton teebo senen akanti jain axekanti, jakon senanbo nekibi itan chicho jakon iti mesko jaweki ati pitibo banati bakeranonbaona.
