Фароҳам овардани муҳити бехатар барои модарон ва кӯдакон дар Тоҷикистон
Чӣ тавр ЮНИСЕФ ва Иттиҳоди Аврупо тавассути барқарорсозии муассисаҳо дар табдил додани хизматрасониҳои тандурустӣ дар Исфара кӯмак мекунанд.
Исфара як шаҳре дар шимоли Тоҷикистон аст, ки аҳолиаш 28,5000 нафар буда муассисаи тандурустии он яке аз калонтарин дар кишвар мебошад. Аммо, пас аз соҳибистиқлол шудани Тоҷикистон Беморхонаи марказии шаҳри Исфара бо сабаби як қатор мушкилиҳо дар пешниҳод намудани хизматрасониҳои босифати тиббӣ душворӣ мекашид. Бинои беморхона ба таъмирҳои калон ва барқарорсозӣ эҳтиёҷ дошт, зеро қубурҳои обӣ ва системаи корезӣ хароб гашта таҷҳизоти тиббӣ кӯҳна шуда буд. Танҳо амалҳои ночиз дар давоми солҳо барои барқарорсозии муассиса андешида шуда буданд.
То соли 2020 Беморхонаи Исфара дар як сол қариб 14,000 беморро дар шӯъбаҳои кӯдакона, модарон, бемориҳои сироятӣ ва ҷарроҳии худ қабул мекард. Бо зиёд шудани шумораи беморон беморхона ба якчанд мушкилиҳо дучор шуд, ки чораҳои фавриро талаб мекарданд. Ӯтоқҳои таъминоти об, санитария ва беҳдошт (ОСБ) дар ҳолати номувофиқ буданд ва системаи идоракунии партовҳои тиббӣ (СИПТ) ба таҷдид эҳтиёҷ дошт. Инчунин кормандони беморхона дар масъалаҳои пешгирӣ ва назорати сироятӣ ба омӯзиши мувофиқ эҳтиёҷ доштанд ва ба шӯъбаҳои болозикр таҷҳизоти тиббии муосир лозим буд. Сарфи назар аз ин мушкилиҳо Беморхонаи марказии шаҳри Исфара тақрибан 1,000 коргар дорад, ки барои пешниҳоди хизматрасонии тиббӣ руз ва шаб кор мекунанд.
"Тӯли чандин солҳо дар ин ҷо корҳои барқарорсозӣ анҷом дода нашуда буданд..."
Барқарорсозии таъҷилӣ душвориҳои тӯли даҳсолаҳо мавҷудбударо бартараф месозад
Дар соли 2021, дар доираи "Барномаи Рушди Соҳаи Тандурустӣ", ки аз тарафи Иттиҳоди Аврупо маблағгузорӣ мешавад, мутахассисон ва муҳандисони ЮНИСЕФ ба Беморхонаи марказии шаҳри Исфара барои баҳодиҳӣ ва арзёбии инфрасохтори ТОСБ ва СИПТ ташриф оварданд. Пас аз муайян намудани эҳтиёҷоти асосӣ – мавҷуд набудани дастрасӣ ба оби нӯшокӣ, ҷойҳои дастшӯии номувофиқ, мавҷуд набудани чораҳои пешгирӣ ва назорат аз ҷумла дар ҳуҷраҳои беморон, озмоишгоҳҳо, ҳоҷатхона ва ошхонаҳо – корҳои барқарорсозӣ оғоз ёфтанд, ки ин марҳилаи ҳалкунанда дар табдилдиҳии муассиса мебошад.
Корҳои барқарорсозӣ ба беҳтаркунӣ ва такмилдиҳии ҳуҷраҳои шӯъбаи кӯдакона, таваллуд, бемориҳои сироятӣ ва ҷарроҳӣ равона гаштаанд. Ҳаштоду нуҳ ҳуҷра бо мақсади бартараф намудани камбудиҳои чандинвақта барои таъмири асосӣ муайян карда шуданд, аз ҷумла ҳуҷраҳои шӯъбаи таваллуд, ҳуҷраҳои шӯъбаи кӯдакона, ҳуҷраҳои шӯъбаи бемориҳои сироятӣ, ва ҳуҷраи шӯъбаи ҷарроҳӣ, утоқҳои ҷомашӯӣ ва хӯрокпазӣ.
Пас аз анҷом ёфтани корҳои барқарорсозӣ дар соли 2022, стандартҳои беҳдошт дар тамоми шӯъбаҳои ба таври назаррас беҳтар гаштанд, махсусан дар қисми иншоотҳои санитария. Шумораи иншоотҳои санитарӣ зиёд шуд, аз ҷумла шумораи ҳоҷатхонаҳо ва ҳаммомҳои якҷоя кардашуда, ҳоҷатхонаи ҷудогона ва ҳаммомҳои ҷудогона, ки мақсади он аз қонеъ намудани эҳтиёҷоти гуногуни беморон ва кормандон аст. Ҳуҷраҳои шӯъбаҳои кӯдакона ва ҷарроҳӣ акнун ба стандартҳои оптималии беҳдошт барои нигоҳубини беморон ва солимии кормандон пурра мувофиқат мекунанд.
Беҳбуди шароит барои хизматрасонии тиббиӣ беҳтар
“Ба шарофати ЮНИСЕФ ва Иттиҳоди Аврупо дар Тоҷикистон кори мо хеле осон шуд. Шароитҳои беҳтаршуда ба фаъолияти ҳаррӯзаи мо таъсири назаррас гузошт, ки ба мо дар таъмини нигоҳубини беҳтар барои беморони мо, натанҳо барои сокинони Исфара балки барои сокинони ноҳияву деҳаҳои гирду атроф, имконят фароҳам овард.” мегӯяд Азамҷон, ва ҳамкори ӯ Кимсанова Муаттара, Роҳбари Шӯъбаи таваллуд илова намуд, ки ин беҳсозиҳо натанҳо муҳити бехатарро барои кӯдакон ва модарон барпо намуд, балки инчунин стандартҳои умумии нигоҳубинеро, ки онҳо пешниҳод мекунанд баланд бардошт.
Дар ҳақиқат мушоҳида намудани миннатдорӣ дар чеҳраи беморони мо ҳангоми ба муассисаи навсозишуда ва такмилёфтаи мо ворид шудани онҳо хеле гуворо аст. Таҳсини онҳо шаҳодати қудрати тағирдиҳандаи сармоягузорӣ ба инфрасохтори тандурустӣ аст ва он моро ҳавасманд мекунад, ки минбаъд низ кӯшиши беҳтарин дар нигоҳубини модару кӯдакро идома диҳем.
Пеш аз барқарорсозӣ кормандони беморхона аз усулҳои хатарнок барои коркард ва нобудсозии партовҳои тиббӣ истифода мекарданд, ки саломатии онҳоро зери хавф мегузошт. Аммо пас аз барқарорсозӣ як инсенератор берун аз бинои беморхона, тибқи тартиботи мувофиқ барои нобудсозии партовҳо, сохта шуд. Инчунин бо мақсади истифодаи дурусти инсенератор омӯзиши махсус барои кормандон пешниҳод карда шуд. Бар иловаи корҳои барқарорсозӣ таҷҳизоти тиббии наҷотдиҳанда аз қабили дастгоҳи шамолдиҳии тиббӣ, дефибрилятор, стерилизаторҳои буғӣ (автоклав), дастгоҳи ултрасадои сайер, инкубатори атоматӣ, вакуум-экстрактор, мизи амалиётӣ, бастаи ҷарроҳии акушерӣ, монитори кардиотахографӣ бо лавозимоташ, дастгоҳи фототерапия, инчунин ЭКГ регистратор ва дигар таҷҳизотҳо ба Беморхонаи марказии шаҳри Исфара таъмин карда шудаанд.
"Ман аз духтурон ва кормандони шуъбаи ҷарроҳӣ барои нигоҳубини махсуси онҳо дар давоми ҷарроҳии аппендитсити писарам хеле миннатдорам. Беморхона дар ҳақиқат тағйир ёфтааст ва намуди нав дошта дорои таҷҳизоти навсозишуда, катҳои бароҳат, ҳоҷатхонаҳо ва ҳаммомҳои замонавӣ ва ошхонаи хеле замонавӣ аст"-илова намуд Боирова Сафро, модари кӯдаке, ки ҷарроҳӣ шуд.
То соли 2025 шумораи муассисаҳои тандурустӣ, ки дар доираи Барномаи Иттиҳоди Аврупо оид ба рушди тандурустӣ таҷдид ва аз нав таъмир мегарданд зиёд мешавад, ва барои дастрасии кӯдакон ва оилаи онҳо ба хизматрасониҳои беҳтаршуда ва босифати тандурустӣ мусоидат менамояд.
Дар доираи "Барномаи Рушди Соҳаи Тандурустӣ", ки аз ҷониби Иттиҳоди Аврупо маблағгузорӣ мешавад, ЮНИСЕФ аз болои ҷузъи Пешгирӣ ва назорати сироят дар Тоҷикистон кор мекунанд. Ин ҷузъи барнома эҳтиёҷотро дар таъминоти об, санитария ва беҳдошт (ТОСБ) бартараф мекунад, ва бо мақсади риоя намудани стандартҳои миллӣ ва такмили сифати инфрасохтор ва амалияҳои пешгирӣ ва назорати сироятӣ дар муассисаҳои тандурустии интихобшудаи саросари кишвар ба такмили инфрасохтори идоракунии партовҳои муассисаҳои тандурустӣ тамаркуз мекунад. Барнома инчунин ният дорад, ки таҷҳизоти муҳофизати шахсиро таъмин намояд, аз ҷумла ниқобҳо барои кормандони тиббӣ ва харидори намудани дастгоҳҳои шамолдиҳӣ барои табобат ва нигоҳубини беморони аз КОВИД-19 сироятёфта. Инчунин барнома ба баланд бардоштани иқтидори таъминкунандагони хизматрасониҳои тиббӣ дар ошкорсозӣ, табобат ва нигоҳубини беморони аз КОВИД-19 сироятёфта ва таҳияи сиёсатҳои дастгирикунанда тамаркуз мекунад.