UNICEF Nisqanmanta
UNICEFpa llamkayninkunaqa Piruw suyupi tarikun sapa warmi warmapa, qari warmapa, musupapas sipaspapas, ima ruraypipas kaq kamalla ima wiñaymanpas aypananku waqaychasqa kananpaq.
UNICEF Piruw suyupi 1948 watamanta tarikun, kay llapa qarqunakuyni, usuchinakuynin hinallataq wakcha kayninpas kay wara waranqa warmi warmakunapa, qari warmakunapa, musu sipaskunapa wiñariynin mana qipachiq kananpaq. Piruwanu istaduta yanapan, kay suyupi warmapa kawsayninmanta hinallataq Pachamama allin uywanamanta rimanakusqanmanhina hatun kamachikuy paqarichisqa rurasqa kananpaq.
Tukuy suyu ukupim llamkanikuqa, chay wakin uña suyukunapi ancha usuchinakuy, runa qarqunakuy tarikusqanman chaynallataq warmakunapa dirichunkuna sarutasqa kasqanman chayaniku. Kaytaqa ruraniku imaymana yachayninkunata nanachikuspa hinallataq warmitapas qaritapas kaq kamallata qawarispa. Llamkayniykupa puririyninqa munaqkunawan kallpachakuykuspa ruraymi, kay suyupi warmakunapa musu sipaspa dirichunkuna harkasqa kananrayku, Piruw suyumanta, huk hatun suyukukunamanta yanapakuqkunawanpas hinallataq Naciones Unidas wasikunapiwan kuskachakuykuspa.
